iPhone құрылғысындағы «Денсаулық» қолданбасында менструалды цикл болжамдары мен тарихын қарау
«Денсаулық» қолданбасында менструалды цикліңізді жазғаныңызда, келесі менструация немесе жүкті болудың қолайлы күнін тексеруіңізге, келесі менструацияңыздың немесе жүкті болудың қолайлы күнінің қашан болатыны туралы хабарландырулар алуыңызға, цикл тарихы туралы мәліметтерді көруіңізге және т.б. болады.
Ескертпе: «Денсаулық» қолданбасы менструация және ұрықтылық терезесінің болжамдарын жақсарту үшін Apple Watch құрылғыңыздан деректерін де пайдаланады. Apple Watch құрылғысының пайдаланушы нұсқаулығындағы Apple Watch құрылғысындағы «Циклді қадағалау» мүмкіндігін пайдалану бөлімін қараңыз.
Цикліңіздің уақыт шкаласын қарау
Төменгі оң жақтағы «Шолу» түймесін түртіңіз, одан кейін «Циклді қадағалау» түймесін түртіңіз.
Экранның жоғарғы жағында уақыт шкаласында келесі белгішелер көрсетіледі.
Белгіше | Сипаттама | ||||||||||
---|---|---|---|---|---|---|---|---|---|---|---|
Болжанған менструация күні. | |||||||||||
Ұрықтылық терезеңіздің болжанған күні. | |||||||||||
Овуляция болуы мүмкін күн (Apple Watch Series 8 немесе одан кейінгі немесе кез келген Apple Watch Ultra үлгісінің iPhone құрылғыңызбен жұпталуын талап етеді; барлық аймақтарда қолжетімді бола бермейді). | |||||||||||
Менстрауциян тіркеген күніңіз. | |||||||||||
Ақпарат қосқан күніңіз (мысалы, бас ауруын немесе құрысуды жазу) |
Басқа күндерді таңдау үшін уақыт шкаласын сырғытыңыз.
Болжанған келесі менструацияның және хабарланған соңғы менструацияның күндерін тексеру
Төменгі оң жақтағы «Шолу» түймесін түртіңіз, одан кейін «Циклді қадағалау» түймесін түртіңіз.
Келесі менструацияның басталуы мүмкін уақытын көру үшін «Ерекшеліктер» параметріне жылжыңыз.
Болжамды көрмесеңіз, «Ерекшеліктер» параметрінің жанындағы «Барлығын көрсету» түймесін түртіңіз.
Соңғы менструацияңыздың күні мен әдеттегі цикл ұзақтығын көру үшін «Жинақтама» параметріне жылжыңыз.
Циклді бақылау хабарландыруларын, циклді болжау дисплейлерін және басқа опцияларды өзгерту
Сіз менструация, ұрықтылық және циклдің ауытқуы туралы хабарландыруларды өшіре аласыз, менструация мен ұрықтылық туралы болжамдарды жасыра аласыз және т.б. Бұл параметрлерді кез келген уақытта қайта қосуыңызға болады.
Төменгі оң жақтағы «Шолу» түймесін түртіңіз, одан кейін «Циклді қадағалау» түймесін түртіңіз.
Төмен жылжыңыз, «Опциялар» түймесін түртіңіз, одан кейін опцияларды қосыңыз немесе өшіріңіз.
Цикл журналыңызды қарау
Төменгі оң жақтағы «Шолу» түймесін түртіңіз, одан кейін «Циклді қадағалау» түймесін түртіңіз.
Соңғы үш цикліңіздің жинақтамасын көру үшін «Сіздің циклдеріңіз» параметріне қарай төмен жылжыңыз.
Барлық алдыңғы циклдердің жиынтықтамаларын көру үшін «Циклдер тарихы» параметрін түртіңіз.
Цикл журналыңыздың PDF файлын жіберу немесе сақтау үшін «PDF файлын экспорттау» түймесін түртіңіз, түймесін түртіңіз, одан кейін опцияны таңдаңыз.
Цикл туралы мәліметтерді көру үшін оны түртіңіз.
Циклдің кез келген мәліметтерін өзгерту үшін «Өңдеу» түймесін түртіңіз.
Цикл мәліметтерінің PDF файлын жіберу немесе сақтау үшін «PDF файлын экспорттау» түймесін түртіңіз, түймесін түртіңіз, одан кейін опцияны таңдаңыз.
«Циклдің ауытқуы» хабарландыруын алсаңыз
Тіркелген цикл журналында ықтимал цикл ауытқуы көрсетілсе, хабарландыру алуыңызға болады. Тұрақты емес менструациялар, сирек менструациялар, ұзартылған менструациялар және тұрақты дақ — негізгі ауруды көрсетуі мүмкін немесе басқа факторларға байланысты болуы мүмкін жиі кездесетін циклдік ауытқулар.
Хабарландыру алған кезде, журналға жазылған цикл тарихын қарап шығу үшін келесі әрекеттерді орындаңыз:
iPhone құрылғыңызда «Денсаулық» қолданбасын ашыңыз.
«Циклдің ықтимал ауытқуы» хабарландыруындағы «Циклдер тарихын қарап шығу» түймесін түртіңіз.
Цикл журналындағы деректерді растау, қосу немесе өңдеу үшін экрандағы нұсқауларды орындаңыз.
Цикл ауытқуы анықталса, экран келесі орындау керек әрекетті ұсынады.
Денсаулық деректеріңіз бен құпиялылық туралы
«Денсаулық» қолданбасында өзіңіз туралы қосқан ақпаратыңызды пайдалануыңызға және бөлісуіңізге болады. «Денсаулық» қолданбасында сақталатын ақпаратты, сонымен қатар деректерге қол жеткізе алатын адамдарды шеше аласыз.
iPhone құрылғыңыз Face ID, Touch ID немесе құпиякод арқылы құлыпталған кезде, «Денсаулық» қолданбасындағы медициналық картаңыздан басқа денсаулық және фитнес туралы деректеріңіздің барлығы шифрланады. iCloud сервисімен синхрондалған кез келген денсаулық деректері тасымалдау кезінде де, Apple серверлерінде де шифрланады. Егер сізде әдепкі екі факторлы аутентификация мүмкіндігі мен құпиякоды бар iOS, iPadOS және watchOS жүйелерінің нұсқасы (циклді қадағалау үшін iPad және Apple Watch пайдалансаңыз) болса, денсаулық пен белсенділік туралы деректеріңіз Apple оны оқи алмайтындай сақталады.
Яғни, «Циклді қадағалау» мүмкіндігін және екі факторлы аутентификацияны пайдаланған кезде, iCloud сервисімен синхрондалған денсаулық деректеріңіз басынан аяғына дейін шифрланады және Apple корпорациясында деректердің шифрын шешу кілті жоқ, сондықтан оны оқи алмайды.