ერეფოშქაშე სამართალი

ოერეფოშქაშე სამართალი წჷმმარინუანც ნორმეფიშ დო პრინციპეფიშ ართამალას, მუდგაშ ალაფათ ხვადჷ სახენწჷფოეფიშოშქაშე ურთიერთობეფიშ რეგლამენტირაფა. თინა მითმიღებუ სუვერენული სახენწჷფოეფიშ შქას ურთიერთაპიჯაფეფიშ ოსხირშა. ოერეფოშქაშე სამართლიშ ღანკის წჷმმარინუანც ნაციონალური კანონდვალირაფეფიშ მერინაფა ართამი ოერეფოშქაშე სამართალიშ ნორმეფ აკამუშებაფალო. ოერეფოშქაშე სამართალიშ გიმენსახეობას წჷმმარინუანც ოერეფოშქაშე ოზუღე სამართალი, ოერეფოშქაშე ოჰაერე სამართალი, ოერეფოშქაშე სამართალი კოსმოსური ოფირჩაშ გჷმორინაფაშ გეშა, ადამიერიშ ალობეფი, ოერეფოშქაშე ეკნომიკური სამართალი, ოერეფოშქაშე გარემოშ თხილუაშ სამართალი.

ოერეფოშქაშე სამართალიშ ჩჷნაფა პირველო ჯერემი ბენტჰექ 1780 წანას წიგნის „მიშალუ მორალიშ დო წჷმმარინაფალაფაშ პრინციპეფს“ გჷმირინუ. მეხოლაფირო 1840 წანაშე თე ჩჷნაფაქ ინგლისური და რომანული ნინეფც ჯვეში ტერმინი „კათეფიშ სამართალი“ ქენათირუ (ფრანგულო: droit de gens ) ჩჷნაფა „ხკათეფიშ სამართალი“ ძალამი ჯვეშიე დო რომაულ ეპოქას არსხუაფუ. რომალეფი ოერეფოშქაშე ურთიერთობეფც ius gentium-იშ პრინციპით ხემანჯღვერენდეს (მუკოჩუალირიე ციცერონიშ ნაჭარეფც). გერმანული, დანიური, სკანდინავიური დო ნამთინე სლავური ნინეფც კინე ჯვეში ჩჷნაფა „კათეფიშ სამართალი“ გჷმირინუაფუ (სამანგათ: Völkerrecht, Volkenrecht...)

მაართა დო მაჟირა მსოფლიო ლჷმას შქას მოქარანე კჷლმაგორუეფც ოერეფოშქაშე სამართალიშ დეფინიციაწკჷმა რსხუაფათ პრობლემა ვა ნოღვენა. სჷმჷნეფიშ შხვადოშხვაფალაშ უმკუჯინუო თინეფი აპიჯაფილეფი რდეს, ნამდა ოერეფოშქაშე სამართალი სახენწჷფოეფიშ შქას ურთიერთობაშ დორეგულირაფაშ გაბრა რე. პოზიტივისტეფიშ დომინანტური დოქტრინაშ ალაფათ ოერეფოშქაშე სამართალიშ ხვალახე სუბიექტი სახენწჷფო რდჷ.

მორო თე მუნასჷმჷნეფი თიმწკუმა ხოლო ვა მეურედჷ სიმართლეს. უკვე თიმწჷმა ხოლო რდჷ მორჩილი მუდანაფაშ ოერეფოშქაშე სამართალიშური გუნაჭყაფეფი, ნამუეფსუთ სახენწჷფოშ სტატუსი ვა უღუდეს. მაჟირა საგებიო ლჷმაშ დოთებაშ უკული ოერეფოშქაშე არენას გაკლარჩქინდჷ მიარე სახენწჷფოეფიშოშქაშე ორგანიზაციაქ, კერძო პიჯეფიშ დუნარსხუეფი მუსხირენი ოერეფოშქაშე ვაომთავრობე ორგანიზაციაქ, ბრელი მიარენაციური კონცერნიქ, ეთნიკური უმცირესობეფქ, ნამუეფქუთ ოერეფოშქაშე სამართალიშური სუბიექტიშ სტატუსი გეჭოფეს.

ოერეფოშქაშე სამართალიშ ჩჷნაფაშ ირონი ოვითარაფაშა ამერიკაშ სამართალიშ ინსტიტუტიშ „ოერეფოშქაშე სამართალიშ“ დეფინიცია ხოლო (მასუმა მიშათინუა) მითმიოწურუანც, ნამუსუთ ოერეფოშქაშე სამართალიშ სუბიექტეფო გმიშინუაფჷ, მუჭოთ სუვერენული სახენწჷფოეფი, თაშნეშე ოერეფოშქაშე ორგანიზაციეფი დო (გაკინებული ალობეფით) კერძო დო იურიდიული პიჯეფი.

ოერეფოშქაშე სამართალიშ ოსხირშა ჩიებაბორც თოჸუჯიქ ოკო მეუდირთას გეჸვენჯი მენორსამი თეორიული ასპექტეფც:

ოირკოჩე დო რეგიონალური ოერეფოშქაშე სამართალი

ოერეფოშქაშე სამართალიშ მუშობურობეფი

ოერეფოშქაშე სამართალი, მუჭოთ „სამართალი“

ოერეფოშქაშე სამართალიშ თანჯეფი