David Kimble

David Bryant Kimble (12 May 1921 - 8 March 2009) wakaŵa nkhwantha ya vya masambiro ya ku Britain uyo wakagwira ntchito mu vyaru vya Tanzania, Botswana, Lesotho, Eswatini na Malawi. Wakaŵa Vice-Chancellor wa University of Malawi kufuma mu 1977 mpaka 1987.

Umoyo wake

Kimble wakababikira mu tawuni ya Horam, ku Sussex. Wakasambira pa sukulu ya Eastbourne Grammar School na pa University ya Reading uko wakasambira vya masambiro gha mazuŵa ghano.

Ntchito

Kuumaliro kwa m'ma 1940, Kimble wakaŵa msambizgi wa ku Gold Coast (uko sono ni Ghana).

Mu 1960 wakapokera PhD ku University of London chifukwa cha thesis yake pa nkhani ya kukwera kwa mtundu, ndipo ndiyo yikaŵa fundo ya buku lake lakuti The Political History of Ghana Vol 1: 1850~1928, ilo likalembeka mu 1962.

Mu 1962, Kimble wakazgoka Pulofesa wa Political Science pa University College of Dar es Salaam; mu 1966, wakamba uteŵeti wa vyaka viŵiri nga ni mulongozgi wa Institute of Public Administration. Kufuma mu 1968 kufika mu 1971, wakaŵa ku Tangier ku CAFRAD, wupu uwo ukacitanga vinthu vyakukhwaskana na boma.

Mu 1971, wakasankhika kuŵa pulofesa wa vya boma na ndyali pa yunivesite ya Botswana, Lesotho, na Swaziland.

Mu 1977, wakasankhika kuŵa Vice-Chancellor wa University of Malawi, ndipo mu 1987 wakafumapo na kuluta ku Devon, uko wakalutilira kulemba magazini ya Journal of Modern African Studies. Wakaŵa mulembi panji mulara wa mabuku 35 gha magazini iyi.

Vyakupokela

Kimble wakasankhika kuŵa OBE mu 1962 cifukwa ca mulimo wake wa kusambizga ŵanthu ŵalara.

Vigaŵa vya kuwaro

• David Kimble, Obituary, The Times