7. maí

7. maí er 127. dagur ársins (128. á hlaupári) samkvæmt gregoríska tímatalinu. 238 dagar eru eftir af árinu.

Atburðir

• 1166- Vilhjálmur 2. varð konungur Sikileyjar.
• 1196 - Filippus 2. Frakkakonungur gekk að eiga Agnesi af Meraníu þrátt fyrir að páfi hefði lýst hjónaband þeirra Ingibjargar Valdimarsdóttur gilt.
• 1197 - Sex menn létust í Lönguhlíðarbrennu eða Önundarbrennu. Bærinn Langahlíð stóð þar sem nú er Skriða í Hörgárdal.
• 1342 - Klemens 6. (Pierre Roger) varð páfi.
• 1429 - Hundrað ára stríðið: Síðasta umsátursvirki Englendinga við Orléans, Tourelles, féll. Jóhanna af Örk varð hetja fyrir að leiða lokaáhlaupið þrátt fyrir að vera særð.
• 1682 - Pétur mikli varð Rússakeisari ásamt hálfbróður sínum Ívan.
• 1697 - Hallarbruninn í Stokkhólmi 1697: Höllin Tre Kronor brann til grunna. Talið er að íslenska handritið Ormsbók hafi eyðilagst í brunanum.
• 1780 - Jón Teitsson var vígður biskup á Hólum. Hann dó ári síðar.
• 1810 - Sir George Stuart Mackenzie og Henry Holland læknir komu til Íslands og skrifuðu báðir merkar bækur um ferð sína.
• 1812 - Óveður geisaði á Vestfjörðum og fórust 54 menn á sjö skipum frá Önundarfirði.
• 1856 - Finnska dagblaðið Vasabladet kom út í fyrsta sinn.
• 1897 - Sigfús Eymundsson sýndi talvél (grafófón), sem hann hafði keypt af Guðbrandi Finnbogasyni konsúl fyrir 300 krónur, á stúdentafundi. „Hafði hún þar upp drykkjulög, sem einhverjir dónar höfðu sungið inn í hana í Nýju-Jórvík.“ Næstu daga gátu menn svo fengið að hlusta á talvélina fyrir 25 aura.
• 1908 - Páll Einarsson var kosinn fyrsti borgarstjóri Reykjavíkur.
• 1915 - Farþegaskipinu Lusitaniu var sökkt við Írlandsstrendur af þýskum kafbáti.
• 1928 - Lög voru samþykkt á Alþingi um að stofnaður skyldi þjóðgarður á Þingvöllum.
• 1934 - Borðeyrardeilan hófst um samningsrétt félaga í verkalýðsfélagi í Hrútafirði.
• 1941 - Listamannadeilan hófst með því að 14 íslenskir myndlistarmenn birtu ávarp til menntamálaráðs í Morgunblaðinu.
• 1946 - Japanska raftækjafyrirtækið Sony var stofnað.
• 1951 - Bandaríkin sendu herlið til Íslands til að sjá um varnir þess, en samningur þess efnis var undirritaður tveimur dögum fyrr.
• 1957 - Helen Keller kom í heimsókn til Íslands til að styðja og hvetja blinda og mállausa. Hún var sjálf bæði blind og heyrnarlaus og varð fræg fyrir réttindabaráttu sína.
• 1961 - Keflavíkurganga á vegum hernámsandstæðinga var gengin frá hliði herstöðvarinnar til Reykjavíkur.
• 1977 - Frakkar sigruðu Söngvakeppni evrópskra sjónvarpsstöðva með laginu „L'oiseau et l'enfant“ sem Marie Myriam flutti.
• 1978 - Oddskarðsgöng á milli Eskifjarðar og Neskaupstaðar voru vígð. Göngin eru í um 630 metra hæð og eru um 630 metra löng.
• 1983 - Sverð í kletti, minnismerki um Hafursfjarðarorrustu, var afhjúpað í Noregi.
• 1992 - Geimskutlan Endavour fór í jómfrúarflug sitt.
• 1999 - Kosóvóstríðið: 3 kínverskir sendiráðsstarfsmenn létust og 20 særðust þegar bandarísk B-2-sprengjuflugvél varpaði sprengju á kínverska sendiráðið í Belgrad fyrir mistök.
• 1999 - João Bernardo Vieira forseta Gíneu-Bissá var steypt af stóli í herforingjauppreisn.

• 2001 - Serbneskir þjóðernissinnar réðust á hóp fólks sem hugðist leggja hornstein að endurbyggingu Ferhadija-moskunnar í Banja Luka í Bosníu og Hersegóvínu.
• 2007 - Gröf Heródesar konungs fannst í hæðinni Herodium og hafði hennar verið leitað þar í yfir 30 ár.
• 2007 - Frjálslynda bandalagið var stofnað í Danmörku af Naser Khader, Anders Samuelsen og Gitte Seeberg.
• 2008 - Dímítrí Medvedev tók við embætti forseta Rússlands af Vladimír Pútín.
• 2010 - Chile varð 31. aðildarland OECD.
• 2012 - Vladimír Pútín var kjörinn forseti Rússlands í annað sinn.
• 2015 - Þingkosningar í Bretlandi 2015: Eftir sigur íhaldsflokksins sögðu leiðtogar þriggja stjórnmálaflokka af sér.
• 2017 - Emmanuel Macron sigraði Marine Le Pen í annarri umferð frönsku forsetakosninganna.

Fædd

• 1641 - Eberhard Anckelmann, þýskur guðfræðingur (d. 1703).
• 1711 - David Hume, skoskur heimspekingur og sagnfræðingur (d. 1776).
• 1812 – Robert Browning, enskt ljóðskáld (d. 1889).
• 1833 - Johannes Brahms, þýskt tónskáld og píanóleikari (d. 1897).
• 1840 - Pjotr Iljitsj Tsjaíkovskíj, rússneskt tónskáld (d. 1893).
• 1861 - Rabindranath Tagore, indverskt skáld (d. 1941).
• 1867 - Wladyslaw Reymont, pólskur rithöfundur og Nóbelsverðlaunahafi (d. 1925).
• 1892 - Josip Broz Tito, forseti Júgóslavíu (d. 1980).
• 1901 - Gary Cooper, bandarískur leikari (d. 1961).
• 1910 - Sigurður Halldórsson, íslenskur knattspyrnumaður og formaður Knattspyrnufélagsins Fram (d. 1982).
• 1918 - Alfreð Clausen, íslenskur söngvari (d. 1981).
• 1919 - Eva Perón, argentínsk forsetafrú (d. 1952).
• 1927 - Ruth Prawer Jhabvala, þýskur rithöfundur (d. 2013).
• 1939 - Ruud Lubbers, fyrrverandi forsætisráðherra Hollands (d. 2018).
• 1939 - Jimmy Ruffin, bandarískur söngvari (d. 2014).
• 1943 - Peter Carey, ástralskur rithöfundur.
• 1947 - Numa Sadoul, franskur rithöfundur.
• 1947 - Antonio de la Cruz, spænskur knattspyrnumaður.
• 1948 - Horst Köppel, þýskur knattspyrnumaður.
• 1956 - Jan Peter Balkenende, hollenskur stjórnmálamaður.
• 1958 - Hákon Leifsson, íslenskur leikari.
• 1968 - Traci Lords, Bandarísk söngkonna og leikkona.
• 1975 - Árni Gautur Arason, íslenskur knattspyrnumaður.
• 1975 - Sigfús Sigurðsson, íslenskur handknattleiksmaður.
• 1988 - Nathan Burns, ástralskur knattspyrnumaður.
• 1988 - Takayuki Morimoto, japanskur knattspyrnumaður.

Dáin

• 399 f.Kr. - Sókrates, grískur heimspekingur (f. um 469 f.Kr.).
• 973 - Ottó 1., keisari hins Heilaga rómverska ríkis (f. 912).
• 1197 - Önundur Þorkelsson, íslenskur höfðingi, brenndur inni í Önundarbrennu.
• 1205 - Ladislás 3., konungur Ungverjalands (f. 1201).
• 1539 - Guru Nanak Dev, upphafsmaður síkisma (f. 1469).
• 1617 - David Fabricius, hollenskur stjörnufræðingur (f. 1564).
• 1682 - Fjodor 3., Rússakeisari (f. 1661).
• 1804 - Ludwig Erichsen, dansk-íslenskur embættismaður (f. 1766).
• 1805 - William Petty, jarl af Shelburne (f. 1737).
• 1825 - Antonio Salieri, ítalskt tónskáld (f. 1750).
• 1840 - Caspar David Friedrich, þýskur listmálari (f. 1774).
• 1932 - Paul Doumer, franskur stjórnmálamaður (f. 1857).
• 1937 - Guðmundur Björnsson, landlæknir Íslands (f. 1864).
• 1952 - Theodór Árnason, íslenskur þýðandi (f. 1889).
• 1961 - Þorkell Þorkelsson, íslenskur eðlisfræðingur (f. 1876).
• 2000 - Douglas Fairbanks jr., bandarískur leikari (f. 1909).
• 2001 - Joseph Greenberg, bandarískur málfræðingur (f. 1915).
• 2002 - Masakatsu Miyamoto, japanskur knattspyrnumaður (f. 1938).
• 2010 - Fríða Á. Sigurðardóttir, íslenskur rithöfundur (f. 1940).
• 2011 - Seve Ballesteros, spænskur golfleikari (f. 1957).