鄉試

鄉試係早以江西最高級別嗰科舉考試，佢係到南昌貢院裡頭舉行嗰。考中鄉試嗰考生叫「舉人」，頭名就係解元。

唐宋嗰時間，鄉試又叫「鄉貢」、「解試」。明清嗰時間哈有「大比」嗰話法。鄉試嗰主要內容係《四書》、《五經》、策問、八股文等形式，由正、副兩隻主考官監考。

根據1384年頒布嗰《科舉程式》法令，鄉試每三年舉行一回，考期位到子、午、卯、酉年嗰秋八月，故係叫「秋闈」，係正科。有時間也會逢到「恩科」嗰加試。

內容

鄉試攏共考三場，每場靠三日。考生以「八股文」（破題、承題、起講、領講、提比、中比、束比、大結）嗰固定結構答題。

• 第一場：八月九號舉行，考四書義（《論語》、《孟子》、《大學》、《中庸》）三道題，同嘚五經義（《周易》、《尚書》、《詩經》、《周禮》、《春秋》）四道題。
• 第二場：八月十二號舉行，考論一道、判五條、詔誥表內科一道，代古人立言。
• 第三場：八月十五號舉行，考經史時務第五道。

過程

江西布政使司係主持鄉試嗰最高長官，嗰試卷也係歸佢負責嗰鄉試。鄉試嗰正、副主考官一般都係進士出身，另外也會有四隻考官陪同監考。

考試期間，考生要清時蠻早就入闈，編號入室。要係斷夜都冇答完卷，考官會發三根蠟燭。箇時間需要嗰寫嗰筆紙、喫嗰食物都由考官派送。

考試一開始，考生要到卷首寫正佢自簡同嘚佢三代人嗰姓名、籍貫、年甲，跟佢揀嗰本經。考生搦墨筆答卷，末後由謄錄官搦硃筆抄錄，只寫考生編號，交考官批閱。每卷嗰收卷、彌封、謄錄、對讀、受卷等程序都有專人到邊上眏到。