Каліфарнійскі дзяржаўны політэхнічны ўніверсітэт імя А. Гумбальта

Каліфарнійскі дзяржаўны політэхнічны ўніверсітэт імя А. Гумбальта
англ.: California State Polytechnic University, Humboldt
Арыгінальная назва	англ.: California State Polytechnic University, Humboldt
Заснаваны	1913
Тып	політэхнічны ўніверсітэт
Студэнты	6 612 і 5 285
Размяшчэнне	Арката, Каліфорнія, ЗША
Сайт	humboldt.edu
Медыяфайлы на Вікісховішчы

Каліфарнійскі дзяржаўны політэхнічны ўніверсітэт імя А. Гумбальта (англ.: California State Polytechnic University, Humboldt) — амерыканская дзяржаўная вышэйшая навучальная ўстанова са статусам універсітэта, якая месціцца ў горадзе Арката ў штаце Каліфорнія, ЗША.

Агульная характарыстыка

Гэта адзін з трох політэхнічных універсітэтаў у сістэме Каліфарнійскага дзяржаўнага ўніверсітэта і самая паўночная ўстанова гэтай універсітэцкай сістэмы. Галоўны кампус, размешчаны на схіле ўзгорка на ўскрайку прыбярэжнага лесу секвойі, мае цудоўны від на горад і акіян. Камус размешчаны на паўночным узбярэжжы Каліфорніі за 450 км на поўнач ад Сан-Францыска і за 1052 км на поўнач ад Лос-Анджэлеса, адрозніваецца сваёй прыроднай прыгажосцю. Гэта самы заходні ўніверсітэт у так званых сумежных Злучаных Штатах (гэта значыць за выключэннем Аляскі і Гаваяў). Універсітэт мае статус іспанамоўнай ўстановы. Ён прапануе 48 праграм атрымання ступені бакалаўра і 12 праграм атрымання ступені магістра і не прапануе праграм аспірантуры. Універсітэт, заснаваны як каледж у 1913 годзе, узяў назву акругі і прылеглага заліва, названых ў гонар вядомага вучонага Аляксандра фон Гумбальта.

Структура

• Каледж мастацтваў, гуманітарных і сацыяльных навук
• Каледж прыродных рэсурсаў і навук
• Каледж прафесійных студый

Гл. таксама

• Спіс універсітэтаў штата Каліфорнія

Спасылкі

• На Вікісховішчы ёсць медыяфайлы па тэме Каліфарнійскі дзяржаўны політэхнічны ўніверсітэт імя А. Гумбальта
• Афіцыйная інтэрнэт-старонка ўстановы