Beint í leiðarkerfi vefsins.
Velferðarráðherra áformar, að tillögu stjórnar Atvinnuleysistryggingasjóðs, að setja reglugerð sem tryggir að þeir sem átt hafa rétt á hlutabótum samkvæmt bráðabirgðaákvæðum laga um atvinnuleysistryggingar fái fullar greiðslur sem þeim rétti nemur í byrjun ágúst. Ráðherra mun leggja fram drög að reglugerð á næsta ríkisstjórnarfundi.
Jón Bjarnason sjávarútvegs- og landbúnaðarráðherra hefur gefið út reglugerð sem skyldar útgerðir til að koma með allan afla að landi, þ.m.t. lifur, hausa, hryggi og afskurð.
Ríkisstjórn Íslands sendir Vegagerðinni, Almannavörnum ríkisins, lögreglunni, björgunarsveitum, vísindamönnum, sveitarstjórnum á viðkomandi svæði sem og öllum þeim fjölmörgu aðilum öðrum sem komu að aðgerðum vegna hlaupsins í Múlakvísl, kærar þakkir fyrir skjótar og markvissar aðgerðir til að tryggja öryggi vegfarenda og koma á vegsambandi yfir fljótið á ný.
Ráðherra lýsir yfir undrun yfir aðgerðum bandaríska viðskiptaráðuneytisins vegna hvalveiða Íslendinga. Um er að ræða algerlega sjálfbærar hvalveiðar sem byggðar eru á traustum vísindalegum grunni. Þá stunda bandaríkjamenn sjálfir hvalveiðar með stuðningi Íslendinga og annarra hvalveiðiþjóða. Þetta er í annað sinn sem sambærilegum aðgerðum er beint að Ísland en Norðmenn og Japanir hafa reglulega fengið sambærilegar útnefningar.
Skýrsla um stöðu mannréttindamála á Íslandi hefur nú verið send til Sameinuðu þjóðanna en hún er hluti af úttekt SÞ á stöðu mannréttindamála í aðildarríkjunum. Skýrslan verður tekin fyrir á fundi hjá vinnuhópi SÞ í Genf í október og munu þá innanríkisráðherra og sérfræðingar ráðuneytisins svara spurningum og athugasemdum.
Leiguíbúðir í eigu sveitarfélaga voru 4.656 árið 2010 og hafði þá fjölgað um 69 frá fyrra ári. Eftirspurn eftir leiguhúsnæði hefur aukist, íbúðum sem standa auðar hefur fækkað umtalsvert og æ fleiri sveitarfélög greiða nú sérstakar húsaleigubætur. Þetta er meðal niðurstaðna úr nýrri könnun Varasjóðs húsnæðismála.
Vinnuhópur á vegum Alþjóðaflugmálastofnunarinnar, ICAO, sem fjallar um notkun og rannsóknir á flugritum í tengslum við flugslys og alvarleg flugatvik, Flight Recorder Panel, heldur fund sinn í innanríkisráðuneytinu í dag og næstu daga. Verkefni hópsins er að fjalla um hvernig nýta má betur flugrita og hvort og hvaða umbætur eru nauðsynlegar á gerð þeirra.
Fasteignasjóður Jöfnunarsjóðs sem tók til starfa í ársbyrjun samhliða flutningi á málefnum fatlaðra frá ríki til sveitarfélaga, hefur gengið frá fyrstu formlegu samningum um sölu á fasteignum sem nýttar eru í þjónustu við fatlað fólk og áður voru í eigu og umsjón Framkvæmdasjóðs fatlaðra.
Utanríkisráðuneytið hefur upplýst samstarfshóp íslenskra félagasamtaka um að fjárstyrkur allt að 12,5 milljónir króna verði veittur til verkefna vegna neyðarástandsins í austanverðri Afríku. Umsóknarfrestur er til föstudags 22. júlí.
Drög að reglum innanríkisráðherra um framlög úr Jöfnunarsjóði sveitarfélaga til eflingar tónlistarnáms og jöfnunar á aðstöðumun nemenda liggja nú fyrir. Drögin eru birt hér á vefnum og óskað er eftir að þeir sem málið varðar kynni sér þau. Hægt er að koma á framfæri athugasemdum við Jöfnunarsjóð sveitarfélaga fyrir 29. júlí næstkomandi. á netfangið [email protected]
Bráðabirgðabrúin yfir Múlakvísl var opnuð á hádegi í gær og umferð hleypt á Hringveginn. Ögmundur Jónasson innanríkisráðherra sagði við það tækifæri að starfsmenn Vegagerðinnar hefðu unnið afrek og þakkað þeim og lögreglu, almannavörum og björgunarsveitum sem ferjuðu fólk yfir ána og veittu margvíslega aðstoð.
Í dag verða teknar í notkun hraðamyndavélar í Bolungarvíkurgöngum og Héðinsfjarðargöngum. Uppsetningin er liður í umferðaröryggisáætlun stjórnvalda og er tilgangurinn sá að draga úr ökuhraða á og fækka slysum.
Vatni verður hleypt undir hina nýju bráðabirgðabrú yfir Múlakvísl klukkan 17 í dag og á meðan verður hlé á flutningum á fólki og bílum yfir ána. Þegar séð verður hvernig áin hagar sér í nýjum farvegi verður nýtt vað útbúið seint í kvöld og flutningar gætu þá hafist á ný.
Á fundi ríkisstjórnar Íslands þann 8. júlí kynnti fjármálaráðherra lokadrög skýrslu nefnar sem hann skipaði til þess að fara yfir möguleg viðbrögð stjórnvalda vegna hækkandi verðs á olíu.
Brúarvinnuflokkar Vegagerðarinnar sem nú vinna hörðum höndum að því að ljúka við smíði brúar yfir Múlakvísl hafa ekki slegið slöku við. Nú er búst við að unnt verði að hleypa umferð á brúna fyrir miðja næstu viku.
Nefnd um dýravelferð skilaði í gær af sér tillögum sínum að frumvarpi til nýrra laga um málaflokkinn.
Ögmundur Jónasson innanríkisráðherra kynnti á ríkisstjórnarfundi ýmsar aðgerðir sem unnið er að vegna flóðsins í Múlakvísl. Á fund ríkisstjórnar komu Hreinn Haraldsson vegamálastjóri, Jón Bjartmarz, yfirlögegluþjónn hjá almannavarnadeild ríkislögreglustjóra og Árni Gunnarsson, formaður Samtaka ferðaþjónustunnar.
Ríkisstjórnin fjallaði í morgun á aukafundi um afleiðingar hlaupsins úr Mýrdalsjökli sem tók af brúna yfir Múlakvísl.
Vegagerðin stefnir nú að því að ljúka smíði bráðabirgðabrúar yfir Múlakvísl á 10 dögum. Verkið hefur verið skipulagt í þaula og verði engar óvæntar uppákomur á að vera hægt að hleypa umferðinni á í síðari hluta næstu viku.
Jóhanna Sigurðardóttir forsætisráðherra átti í dag fund með Angelu Merkel, kanslara Þýskalands í Berlín.
Vegna yfirlýsingar Samtaka ferðaþjónustunnar og umfjöllunar um að langan tíma taki að koma upp bráðabirgðabrú yfir Múlakvísl vill innanríkisráðuneytið taka eftirfarandi fram: