The printable version is no longer supported and may have rendering errors. Please update your browser bookmarks and please use the default browser print function instead.
NASA (ing. National Aeronautics and Space Administration, "Milli Aeronavtika və Kosmik Idorəbykə") AIŠ-i mylki kosmik progrəmon bə žimon dəvordonije gorə perosnijə ičro kardə kišvərə agentlijie. NASA, 1958-nə sori fevralədə bino byə NASA agentli xələfe. 2006-nə sori fevralə mangədə NASA ǧəbul kardə missijə “Kosmik tədǧiǧətonədə ijən elmi kəšfonədə avangard bej”e. NASA bə žimon ovoštonijə elmi tədǧiǧaton əsosən de Zəmini Mušahidə Sistemi, Zəmin planeti tikəjən cok mušahidə karde, heliofizikə ijən astrofizikə elmon tikəjən nyǧylijədə omute ijən avtomatinə sistemon vositə Həši sistemi aid byə fəza čisimon kəšf kardə koj əhotə kardeje. NASA 18 800 kəs ko kardəkəsyš heste. Agentlij dastə kardə xəbon rəjrə bə čo kišvəron ijən bejnəlxəlǧ təškiləton pevylo kardə.
Tarixyš
1957-nə oktjabri 4-ədə SSR iminə kərə bə kosmos suni pejkyš vadoj AIŠ-i yštə tožə bino kardə kosmik progrəmi ǧyrbəǧ karde məčburyş karde. AIŠ kongresi SSR yn gəmi kišvəri milli betəhlukə tərəf kardə bənə təhdid ǧyjmətyş noj ijən dastpocə bə hərəkət ovašte xəbəš doj. 7 mang dəvom kardə no-pegəton nətičədə tožə kosmik agentlik bino noj həxədə bə rozi oməj. Yn agentlijəti bino noj gornə xysusi komissijə NASA binošon karde. NASA ijən vej de elm odəmon, həmən nemes elm mytəxəssisi byə Verner fon Brauni no-pegətonyš barde. De komissijə məsləhəti 1958-nə ijuli 29-də tožə kosmik agentlik NASA əsosyšon noj.
