Festo Ditën e Tokës me lojëra për mjedisin

Mëso për ekosistemet dhe ambientalizmin me këto lojëra argëtuese për Ditën e Tokës.

Lufto kundër ndryshimit të klimës në këtë lojë praktike me letra me strategji. Çdo letër ka ndikim në emetimet e përgjithshme të karbonit dhe ndikimin tënd mjedisor, dhe varet nga ti që të gjesh ekuilibrin mes industrisë, ekosistemeve, njerëzve dhe zbulimeve shkencore. Shfrytëzo burimet e tua dhe shiko në kohë reale se si ndikojnë zgjedhjet e tua në fatin e botës.

Çoje vrojtimin e zogjve në një nivel tjetër me këtë lojë edukative simulimi me një lojtar. Nisu në misione konservimi në Shtetet e Bashkuara, Kanada dhe Japoni dhe mblidh skeda me informacione për speciet e ndryshme që gjen. Mos harro të nxjerrësh fotografi brenda lojës dhe të krijosh një album me të gjitha speciet lokale të zogjve që zbulon.

Eksploro peizazhet emblematike të Australisë ndërkohë që shpëton kafshët e lënduara. Si rojtar parku, ti ke detyrën të kërkosh për kafshët e egra dhe të kujdesesh që t'i shërosh ato në strehën tënde. Kur kafshët të jenë shëruar, lëshoji përsëri në habitatin natyror dhe përmirëso licencën tënde për të shkyçur zona të reja e për të eksploruar bukurinë dhe diversitetin e florës dhe faunës australiane.

Dil jashtë për një aventurë me shumë lojtarë që mund ta luash në oborrin tënd. Fotografo kafshët e egra lokale për të fituar shpërblime ndërkohë që mëson për ekosistemet përreth. Mund të bashkohesh po ashtu në një klan me njerëz të tjerë nëpër botë për të identifikuar kafshë të egra të shumëllojshme. Shto specie të reja në koleksion për të fituar shpërblime ndërkohë që eksploron ambientin e jashtëm.

Shpëto Tokën duke mbledhur shishe plastike një nga një me këtë lojë për konservimin e detit. Mblidh mbeturinat nga oqeani dhe punëso vullnetarë që të të ndihmojnë në misione për pastrimin e mjedisit. Sa më shumë që të riciklosh, aq më shumë rriten përpjekjet e tua për konservimin, ndërkohë që mbron oqeanet dhe kafshët e detit që jetojnë aty.