Прославете го Денот на Земјата со еколошки игри

Дознајте за екосистемите и екологијата со забавниве игри за Денот на планетата Земја.

Борете се против климатските промени со активнава стратешка игра со карти. Секоја карта влијае врз вашите целокупни јаглеродни емисии и врз животната средина, и ваша задача е да најдете рамнотежа помеѓу индустријата, екосистемите, луѓето и научните откритија. Распределувајте ги ресурсите и гледајте во реално време како вашиот избор влијае врз судбината на светот.

Однесете го набљудувањето птици на следното ниво со едукативнава игра со симулација за еден играч. Извршувајте задачи за заштита на животната средина низ Соединетите Американски Држави, Канада и Јапонија и собирајте картички со информации за различните видови што ќе ги најдете. Не заборавајте да правите фотографии во играта и да создадете албум со сите локални видови на птици што ќе ги откриете.

Истражувајте ги легендарните австралиски пејзажи додека спасувате повредени животни. Како ренџер на парк, ваша задача е да барате диви животни и да ги негувате во вашето засолниште. Кога животните ќе оздрават, вратете ги во нивното природно живеалиште и надградете ја вашата ренџерска дозвола за да отклучите нови области и да ги истражите убавината и разновидноста на флората и фауната во Австралија.

Излезете надвор за авантуристичка игра со мултиплеер што може да ја играте во својот двор. Фотографирајте ги локалните диви животни за да заработувате награди додека учите за екосистемите околу вас. Може и да се придружите во клан за да соработувате со луѓето од секаде во светот и да идентификувате разновидни диви животни. Додавајте нови видови во вашата колекција за да заработувате награди додека ја истражувате природата.

Спасете ја Земјата отстранувајќи едно по едно пластично шише со играва за заштита на морскиот свет. Собирајте ѓубре од океанот и ангажирајте доброволци кои ќе ви помогнат во мисиите за чистење на животната средина. Колку повеќе рециклирате, толку повеќе расте вашиот проект за заштита, додека ги штитите океаните и морските животни кои живеат во нив.