Hidhu në Call of Duty: Warzone Mobile

Mund të kesh luajtur me Call of Duty në celular më parë, por asnjëherë kështu. Provo vërshimin e adrenalinës në lojën e re me qitje në beteja mbijetese, Call of Duty: Warzone Mobile. Përballu me 120 kundërshtarë në të njëjtën kohë për betejën më të madhe të mbijetesës.

E mbushur me veçori të reja që edhe veteranët mund të mos i dinë, kjo është shumë më tepër se thjesht Warzone në celular. Këtu janë vetëm 5 nga gjërat më emocionuese për sa i përket Warzone Mobile që duhet t'i dish që në fillim.

Ruaj dhe ndaj progresin tënd në celular, konsolë dhe kompjuter. Kur shkyç operatorë ose armë, ato do të transferohen në lojëra të tjera të Call of Duty në platforma të tjera (dhe anasjelltas). Mund të ecësh njëkohësisht edhe me përfitimet e lejeve të betejave dhe renditjet e lojtarëve, si dhe të ndash kanalet e bisedës dhe listat e shokëve në lojëra - kështu që nuk ke pse ta lësh pas skuadrën tënde.

Ndërto armën më të fuqishme me veglat e reja të jashtëzakonshme të personalizimit. Me përmirësimet e aksesorëve, modifikimet e armëve dhe elementet estetike që duket se nuk mbarojnë asnjëherë, mund të nisesh për në betejë i armatosur ashtu siç dëshiron. Plus, me progresin në platforma të ndryshme, do të kesh gjithmonë opsionet më të mira ndërkohë që fiton më shumë modifikime në platformat e armëve.

Kontrollet e lojës Call of Duty: Warzone Mobile janë dizajnuar në mënyrë intuitive për celular dhe janë plotësisht të personalizueshme. Merr shenjë, qëllo dhe vrapo me një trokitje ose shko më thellë për të optimizuar plotësisht kontrollet sipas stilit tënd unik të lojës. Lojtarët veteranë mund të dallojnë mekanika të ngjashme, ndërsa rekrutët e rinj mund t'i mësojnë ato me shpejtësi.

Një nga hartat më të njohura në historinë e betejave të mbijetesës kthehet përsëri në Call of Duty. Bazuar në një fushëbetejë reale, Verdansk i tërheq lojtarët me betejat e saj epike dhe pikat e uljes vërtet kaotike. Mund të zbulosh dhe të rizbulosh emocionet për hartat emblematike si Rebirth Island dhe Shoot House.

Shumë operatorë loje bazohen në anëtarë realë të ushtrisë. Arritjet e tyre nderohen nëpërmjet një liste personazhesh interesante si Ghost, Rose dhe Captain Price. Por do të kesh gjithashtu mundësinë që të shkyçësh operatorë bazuar në persona të famshëm si Lionel Messi ose Nicki Minaj. Pavarësisht se kë zgjedh, mund ta personalizosh operatorin tënd që t'i përshtatet stilit dhe personalitetit tënd.