Освојте злато во изборот на динамични спортови

Без разлика дали сте капитен на тим или самотник, изборов на спортови сигурно ќе ви ја изгасне жедта за натпреварување. Со скијање, кошарка, голф и друго, надминете си ги границите и освојте злато.

Тестирајте си ги вештините за скијање и сноубординг додека го истражувате пространиот отворен свет со планини и возбудливи предизвици. Ве чекаат големи скокови и слаломи во вашето патување до врвот на планината – само внимавајте на дивите животни.

Земете ја омилената штека и соочете се со пријателите или со противници од целиот свет во класичната игра билјард. Со вложени кредити од двата играчи и тајмер за потези за секој удар, секој натпревар е брза размена на истрели со висок влог. Искачувајќи се низ ранговите, ќе добиете пристап до маси со високи влогови, строги правила и жестока конкуренција.

Излезете на теренот за голф и постигнете поен со еден удар со системот за брзо удирање што е лесен за користење, но тешко се совладува. Со десетици прекрасни терени и безброј противници подготвени за предизвик, Golf Clash нуди многу активности во коишто може да уживате со пријателите и со противниците онлајн.

Здружете се со ексцентричната екипа на Rumblers за претеран, смешен хокеарски натпревар. Уништете ги противниците и користете комбинирани удари со забавно играње, засновано на физика. Стапнете на мразот со пријателите или натпреварувајте се онлајн во дивизии или лиги за да го однесете својот тим до врвот.

Составете екипа од кошаркарски легенди, како Леброн Џејмс и Мајкл Џордан и доминирајте на теренот во хитов со многу адреналин. Предизвикајте ги пријателите и учествувајте во интензивни турнири со мултиплеер за да се пофалите со вештините. Реалистичното играње и графиката ви го претвораат екранот во арена.