Google Wallet

Google Wallet күнделікті өмірде қажет заттарыңызды жылдам әрі қауіпсіз пайдалануға мүмкіндік береді. Google Pay қабылданатын кез келген жерде төлем жасаңыз, ұшаққа отырыңыз немесе киноға барыңыз – мұның бәріне телефонның болғаны жеткілікті. Қайда барсаңыз да, сіздің мәліметтеріңіз бір қауіпсіз жерде сақталады.

ЫҢҒАЙЛЫ

Керек нәрселеріңізді жылдам ашып пайдалана аласыз
+ Күнделікті қажеттіңізді ашып пайдаланудың үш жылдам жолы бар: жылдам кіру үшін телефоныңыздың жылдам параметрлерін пайдаланыңыз, негізгі экраннан Wallet қолданбасын ашыңыз немесе қолыңыз бос болмаған кезде көмекке Google Assistant-ті шақырыңыз.

Google Wallet-ті WearOS сағатынан ашыңыз
+ Қосымша дерегі бар WearOS негізгі циферблатынан Wallet-ке бірден кіріңіз.

Карталар, билеттер және тағы басқасын әрдайым өзіңізбен бірге алып жүресіз
+ Әр түрлі ақпаратты сақтайтын цифрлық әмиян арқылы пойызға отырыңыз, концертке барыңыз немесе өзіңіз ұнататын дүкендерде бонустар жинаңыз.
+ [Тек АҚШ-қа қатысты] Жүргізуші куәлігі мен цифрлық көлік кілтін сақтайтын цифрлық әмиян арқылы саяхаттау тіпті ыңғайлы.

Сізге не қажет, соны ұсынады
+ Wallet қолданбасы сізге не қажет екенін біліп, соны ұсынады. Сапарға шығатын күні отырғызу талоны бар хабарландыру келеді. Енді құжатыңызды іздеп уақыт кетірмейсіз.

ПАЙДАЛЫ

Түбіртектерді ретке келтіріңіз
+ Wallet-тен транзакция деректерін (соның ішінде Google Maps-тен алынған локация сияқты смарт деректерді) жылдам таба аласыз.

Google өнімдерімен оңай интеграция
+ Wallet қолданбасын басқа Google өнімдермен синхрондасаңыз, Calendar мен Assistant ұшу деректері және іс-шара туралы хабарландырулар сияқты соңғы мәліметтерді көрсетіп тұрады.
+ Maps, Shopping қызметтерінде ұпай балансы мен тұрақты пайдаланушы бонустарын тексеріп, барынша тиімді сауда жасаңыз.

Қолдануы оңай

+ Қосымшаны орнатып, оған сіздің карталар, жол жүру билеттері, тұрақты пайдаланушы карталары мен Gmail-де сақталған басқа да мәліметтерді көшіру оңай.

Жол-жөнекей жаңалықтардан хабардар болыңыз
+ Google Search-тен алынған соңғы ақпарат көмегімен Google Wallet ұшаққа отыруға қатысты өзгерістерді немесе әуе рейсінің күтпеген кешігуін хабарлап отырады.

ҚАУІПСІЗДІК ӘРІ ДЕРЕКТЕРДІ ҚҰПИЯ САҚТАУ КЕПІЛДІГІ

Барлығын қамтитын қауіпсіз қолданба
+ Google Wallet-тің әр бөлігінде қауіпсіздік пен құпиялық элементтері бар.

Сенім артуға болатын Android қауіпсіздігі
+ Find My Phone, екі сатылы растау және деректерді қашықтан тазарту сияқты Android-тың жетілдірілген қауіпсіздік функциялары арқылы деректеріңіздің қауіпсіздігі қамтамасыз етіледі.

Контактісіз төлем картаңыздағы деректердің қауіпсіздігін қамтамасыз етеді
ALT: + Android телефонымен контактісіз төлем жасалған кезде Google Pay несиелік картаңыздың нақты нөмірімен бөліспейді, сондықтан төлем ақпаратының қауіпсіздігі сақталады.

Деректеріңізді өзіңіз басқарасыз
+ Құпиялылық параметлері арқылы Google өнімдері арасында ақпарат бөлісуіне рұқсат беру туралы шешімді қабылдай аласыз.

Google Wallet қызметі Android телефондары мен Wear OS құрылғыларының (Lollipop 5.0+) барлығында бар.
Қосымша сұрақтарыңыз болса, support.google.com/wallet парақшасына өтіңіз.