Google Family Link

Google Family Link သည် အွန်လိုင်း၌ သင့်မိသားစု ပိုမိုလုံခြုံစေသည့် မိဘအထိန်းအချုပ်အက်ပ်ဖြစ်သည်။ မိသားစုတိုင်း၏ နည်းပညာနှင့်ဆက်စပ်မှုသည် တစ်မူထူးသဖြင့် သင့်မိသားစုအတွက် သင့်တင့်မျှတမှုရှိစေပြီး ဒစ်ဂျစ်တယ်အလေ့အထကောင်းများ ပေးစွမ်းနိုင်မည့် Family Link ကဲ့သို့သော တူးလ်များကို ကျွန်ုပ်တို့ရေးဆွဲထားပါသည်။ Family Link ၏ သုံးရလွယ်သောတူးလ်များဖြင့် သင့်ကလေးက သူ၏စက်တွင် မည်သို့အချိန်ကုန်နေသည်ကို နားလည်နိုင်ပြီး သူ၏စက်တည်နေရာကို ကြည့်နိုင်သည့်အပြင် ကိုယ်ရေးအချက်အလက်လုံခြုံမှု ဆက်တင်နှင့် နောက်ထပ်အရာများ စီမံနိုင်သည်။


Family Link ဖြင့် လုပ်ဆောင်နိုင်သည်များ-

ဒစ်ဂျစ်တယ် အခြေခံစည်းမျဉ်း ချမှတ်ခြင်း
• အသုံးပြုချိန် ကန့်သတ်ခြင်း — သင့်ကလေး၏ စက်အတွက် နားချိန်၊ အက်ပ်အတွက် အချိန်ကန့်သတ်ချက်ကို Family Link ဖြင့် သတ်မှတ်နိုင်သဖြင့် ကျန်းမာရေးနှင့်ညီညွတ်စေသည်။
• အသက်အရွယ်နှင့်သင့်တော်သော အကြောင်းအရာသို့ လမ်းညွှန်ခြင်း — သင့်ကလေး ဒေါင်းလုဒ်လုပ်လိုသောအက်ပ်ကို အတည်ပြုပါ (သို့) ပိတ်ထားပါ။ သင့်ကလေးအတွက် YouTube အသုံးပြုမှုကိုလည်း Family Link ဖြင့် မှန်ကန်အောင် ရွေးနိုင်သည်- YouTube (သို့) YouTube Kids ၌ ကြီးကြပ်မှုဖြင့် အသုံးပြုခြင်း။

သင့်ကလေး၏အကောင့်ကို စီမံ၍ လုံခြုံစေခြင်း
• သူ၏ကိုယ်ရေးအချက်အလက်လုံခြုံမှုကို ကာကွယ်ခြင်း — Family Link ရှိ ခွင့်ပြုချက်စီမံခန့်ခွဲမှုဖြင့် သင့်ကလေး၏ ဒေတာနှင့်ပတ်သက်၍ အရေးကြီးသောရွေးချယ်မှု ပြုလုပ်နိုင်သည်။ Chrome ၌ သုံးထားသော ဝဘ်ဆိုက်နှင့် နောက်ဆက်တွဲအတွက် ခွင့်ပြုချက်၊ သင့်ကလေး၏စက်တွင် ဒေါင်းလုဒ်လုပ်ထားသောအက်ပ်ကိုလည်း ကြည့်ရှုစီမံနိုင်သည်။
• သူ၏အကောင့်ကို လုံခြုံစေခြင်း — သင့်ကလေး၏ အကောင့်နှင့် ဒေတာဆက်တင်ကို Family Link ဖြင့် စီမံနိုင်သည်။ မိဘတစ်ဦးအနေနှင့် သင့်ကလေးက သူ၏စကားဝှက်မေ့သွားလျှင် ၎င်းကို ပြောင်းရန် (သို့) ပြင်ဆင်သတ်မှတ်ရန် ကူညီခြင်း၊ သူ၏ကိုယ်ရေးအချက်အလက် ပြင်ခြင်း (သို့) လိုအပ်ပါက သူ၏အကောင့်ကို ဖျက်ခြင်းပင် လုပ်ဆောင်နိုင်သည်။

သွားရင်းလာရင်း ဆက်သွယ်ခြင်း
• သူ၏တည်နေရာ ကြည့်ခြင်း — သင့်မိသားစု သွားလာနေချိန်၌ သူတို့ကို ရှာဖွေရာတွင် အထောက်အကူဖြစ်စေသည်။ Family Link သုံးပါက သင့်ကလေးများသည် စက်ကို ကိုင်ဆောင်ထားသရွေ့ မြေပုံတစ်ခုပေါ်၌ သူတို့ကို ရှာတွေ့နိုင်သည်။
• အကြောင်းကြားချက်နှင့် သတိပေးချက်ရယူခြင်း — Family Link သည် သင့်ကလေးက တည်နေရာတစ်ခုသို့ ရောက်ရှိလျှင် (သို့) ၎င်းမှထွက်ခွာလျှင် အရေးကြီးသော အကြောင်းကြားချက် ပို့ပေးသည်။ စက်ကို အသံမြည်စေနိုင်၍ စက်၏ ကျန်ရှိသော ဘက်ထရီသက်တမ်းကိုလည်း ကြည့်နိုင်သည်။


အရေးကြီးအချက်အလက်

• သင့်ကလေး၏ စက်ပေါ်မူတည်ပြီး Family Link ၏တူးလ်များ ကွဲပြားနိုင်သည်။ တွဲသုံးနိုင်သော စက်စာရင်းကို https://families.google/familylink/device-compatibility/ ၌ ကြည့်ပါ
• Google Play ရှိ သင့်ကလေး၏ ဝယ်ယူမှုနှင့် ဒေါင်းလုဒ်ကို Family Link ဖြင့် စီမံနိုင်သော်လည်း (ခွင့်ပြုချက်တိုးပေးသည့် အပ်ဒိတ်အပါအဝင်) အက်ပ်အပ်ဒိတ်၊ ယခင်အတည်ပြုပြီးသော အက်ပ် (သို့) ‘မိသားစုဒစ်ဂျစ်တိုက်’ ၌ မျှဝေထားသောအက်ပ်များ ထည့်သွင်းရန် အတည်ပြုချက်မလိုပါ။ ထို့ပြင် ဝယ်ယူမှုအတည်ပြုချက်သည် သင့်ကလေးက Google Play မှ ဝယ်ယူမှသာ အကျုံးဝင်မည်ဖြစ်၍ အခြားငွေပေးချေစနစ်မှ ဝယ်ယူမှုအတွက် အကျုံးမဝင်ပါ။ မိဘများသည် ကလေး၏ ထည့်သွင်းထားသောအက်ပ်နှင့် အက်ပ်ခွင့်ပြုချက်ကို Family Link ၌ ပုံမှန်စိစစ်သင့်သည်။
• သင့်ကလေး၏ ကြီးကြပ်ထားသောစက်ရှိ အက်ပ်ကို သေချာစိစစ်၍ မသုံးစေလိုသောအက်ပ်ကို ပိတ်သင့်သည်။ Play၊ Google စသည့် ကြိုထည့်ထားသော အက်ပ်အချို့ကို ပိတ်၍မရနိုင်ပါ။
• ကလေး (သို့) ဆယ်ကျော်သက်၏ စက်တည်နေရာ မြင်နိုင်ရန် စက်ကို ပါဝါဖွင့်ထား၍ လတ်တလောသုံးထားကာ ဒေတာ (သို့) wifi ဖြင့် အင်တာနက်ချိတ်ထားရမည်။
• ကြီးကြပ်ထားသော Google အကောင့်အတွက်သာ Family Link မိဘအထိန်းအချုပ် ရနိုင်သည်။ ကြီးကြပ်ထားသော Google အကောင့်ဖြင့် ကလေးများသည် Search၊ Chrome၊ Gmail ကဲ့သို့ Google ထုတ်ကုန်များ သုံးခွင့်ရရှိ၍ သူတို့ကို ကြီးကြပ်ရန် မိဘများက ဒစ်ဂျစ်တယ်အခြေခံစည်းမျဉ်း သတ်မှတ်နိုင်သည်။
• သင့်ကလေး၏ အွန်လိုင်းအသုံးပြုမှု စီမံနိုင်၍ သူ့အတွက် အွန်လိုင်း၌ ပိုမိုလုံခြုံစေသောတူးလ်များ Family Link တွင် ပံ့ပိုးထားသော်လည်း ၎င်းက အင်တာနက်ကို လုံခြုံစွာသုံးနိုင်ပြီဟု မဆိုလိုပါ။ Family Link သည် အင်တာနက်ရှိ အကြောင်းအရာကို မစိစစ်နိုင်သော်လည်း ကလေး၏ စက်အသုံးပြုချိန်ကို မိဘများအား ဆုံးဖြတ်နိုင်စေပြီး သင့်မိသားစုအတွက် အွန်လိုင်းလုံခြုံရေး အကောင်းဆုံးဖြစ်စေသောနည်းလမ်းကို တွက်ချက်နိုင်သည်။